تحميل مجموعة أفضل الكتب فى الطرق Madany Books

 إحترف كتابة الـ ( سى فى CV ) وتعرف على أسباب رفض ( سى فى CV ) 

- السلام عليكم ان شاء الله هنتكلم عن ( السى فى CV ) وعن الطريقه الصحيحه اللي بها اكتب ( السى فى CV ) وفي نفس الوقت اتجنب الاخطاء اللي بسببها ممكن ( الإتش أر HR )  يرفض ( السى فى CV ) بتاعى .

- فى البدايه ( السى فى CV ) دا عباره عن ملف فيه شويه بيانات عنك وعن مهاراتك وعن خبراتك السابقه ، ( الإتش أر HR )  هيشوفه في اقل من دقيقه وبعدها بيكرر هل هتكمل معانا للمرحله اللي بعد كده اللي هي المقابله الشخصيه او ان الموضوع بينتهي لحد كده و( السى فى CV ) دا مرفوض .

- البيانات الاساسيه او العناصر الاساسيه اللي بتكون موجوده فى ( السى فى CV )

- عندنا ( ستة 6 )عناصر اساسيه أو المتعارف عليه  ست عناصر اساسيه بتكون موجودة فى ( السى فى CV ) :-

1- العنصر الاول ( البيانات الشخصية ) :-

- وفيه بنكتب الاسم والعنوان والايميل ورقم الموبايل

2- العنصر الثاني ( الهدف الوظيفي ) :-

- والكلام تحت هذا العنصر بينقسم لشقين ، شق تحقيق هدف ذاتى والشق الأخر  تحقيق انجاز للشركه بالتالي انت عايز تزود من مهاراتك الشخصية وفي نفس الوقت تعمل على تطوير العمل داخل الشركه .

3- العنصر الثالث ( التعليم ) :-

 - وفيه بنكتب الجامعه والكليه وسنه التخرج والتقدير وايضا مشروع التخرج وتقديره كان ايه .

 4- العنصر الرابع ( الخبرات ) :-

-  طبعا لو اشتغلت في شركات قبل كده هتكتب المده اللي انت اشتغلتها من كذا الى كذا وما فيش داعي انك تكتب اليوم يعني مثلا لو انت اشتغلت خمس ست شهور مثلا في شركه معينه فا حضرتك هتكتب من شهر كذا الشهر كذا ما فيش داعي انك تبقى ضيق جدا لدرجه ان انت تكتب اشتغلت من يوم كذا لحد يوم كذا طالما المده كبيره نكتب بالشهور من شهر كذا لشهر كذا .

- طب لو انا حديث تخرج بالتالي ما اشتغلتش في شركات  قبل كده لكن اتدربت هتكتب كل الاماكن اللي تدربت فيها بالاضافه الى اي نشاط تطوعي او اي نشاط طلابي اشتغلت فيه ويا حبذا لو تكلمت عن دورك في النشاط الطلابي ده في جمله بسيطه يبقى ده شيء كويس جدا .

5- العنصر الخامس ( المهارات ) :-

 وفيها نكتب كل البرامج اللي نعرف نتعامل معها بشكل كويس جدا وفي نفس الوقت كل اللغات اللى بنعرف نتكلمها بشكل جيد ومفيش داعي تكتب حاجه  مبتعرفش تعملها علشان ما تحطش نفسك في مشاكل بعد كده .

6- العنصر السادس ( المعلومات الإضافية ) :-  

 وفيها نكتب الحاله الاجتماعيه والموقف من التجنيد وايضا هنكتب فيه تاريخ الميلاد وبكده نكون خلصنا الست عناصر الاساسيه المفروض تكون موجوده في ( السى فى CV ) ودلوقتي هنتكلم عن الاخطاء اللى عدد كبير من الناس مش بياخد باله منها .

- الأخطاء التى قد تعرض ( السى فى CV ) الخاص بك للرفض من ( الإتش أر HR )

1- الخطا الاول :-

 عدم قراءه الوصف الوظيفى  للوظيفه اللي انت بتقدم لها الشركه بتكون واضعة في الوصف الوظيفى الاحتياجات والمتطلبات اللي محتاجها في الشخص المتقدم للوظيفه دى  و بالتالي لو الاحتياجات  والمتطلبات دى  مش موجوده في ( السى فى CV ) بتاعك يعتبر( السى فى CV ) مرفوض علشان كده مهم جدا تقرأ الوصف الوظيفى قبل ما تعمل

( السى فى CV ) .

2- الخطأ الثاني :-

إرسال ( السى فى CV ) واحد لاكثر من شركة وده مش صح لانه احنا زي ما تكلمنا من شويه عن الوصف الوظيفى  فكل شركه لها وصف وظيفى  مختلفه عن الشركه الاخرى بالتالي هنكون في تعديلات ولو حتى تعديلات بسيطه جدا على ( السى فى CV ) لكل شركه وكمان علشان ميظهرش عندهم إنك باعت ( السى فى CV ) لأكثر من شركة فى نفس الوقت ودا يدل على الإستهتار فلابد من إرسال ( السى فى CV ) لكل شركة على حدى أو إستخدام خاصية ( نسخة مخفية الوجهة ) عند إرسال ( السى فى CV ) لأكثر من شركة فى نفس الوقت .

3- الخطأ الثالث :-

استخدام اطارات فيها ورود وفيها اشكال كبيره وغريبه نسبيا اقل ما يقال عنها ان دا مش مكانها خالص وبالتالي احنا نستخدم الفريم البسيط من جميع الجوانب .

4-  الخطأ الرابع :-

كتابه كلمة ( السى فى CV ) في رأس الصفحه ، ( الإتش أر HR ) عارف ان ده ملف سي في ما فيش داعي انك تكتب له سي في في راس الصفحه.

5- الخطأ الخامس :-

 وضع صوره شخصيه في ( السى فى CV ) بغض النظر عن هل الشركه كان طالبه كده او لا  المفروض او الصحيح ان ( السى فى CV ) ما بيبقاش فيه صوره الا لو كانت الشركه طلبت كده بالتالي لو الشركه طالبه انه يكون في صوره هتكون صوره فورمال شبه صوره جواز السفر . ودا محل خلاف بين أشخاص كتير ، فيه مجموعة بتقول لابد من وضع صورة مجموعة اخرى لا داعى للصورة فلذلك لك مطلق الحرية فى وضع صورة او لا حيث إنها غير مؤثرة .

6- الخطأ السادس :-

- هو كتابه الايميل باسماء دلع او اسماء شهره غريبه ويفضل ان الايميل يكون باسماءنا العاديه بحيث انه يوصل لاعلى درجه من ان يكون فورمال .

7- الخطأ السابع :-

 استخدام نوع خط غير مالوف وايضا استخدام الوان كثير وده مش صحيح يفضل استخدام نوع خط مألوف للجميع وايضا بلاش الوان كثير .

 8- الخطأ الثامن :-

 وضع لوجو بجانب اسماء البرامج و ده غير مفضل و يفضل عدم وضع اى لوجو بجانب اي برنامج يكفى اسم البرنامج فقط .

9- الخطأ التاسع :-

 وضع لينكات سوشيال ميديا ( السى فى CV ) في و يفضل عدم وجود اى لينكات سوشيال ميديا الا لوكانت الشركه طالبه ده 

فيديو شرح كيفية عمل ( السى فى CV ) بإحتراف وبه تجميع معلومات كتير قد تراها فى أماكن مختلفة .

شكراً للمتابعة
_________________________________

إدعمنا بالدعاء - لايك - كومنت - شير

Madany Books

تابعنا على اليوتيوب : إنتقل 

تابعنا على الفيس بوك : إنتقل 

حمل تطبيق مدنى بوك من جوجل بلاى : حمل من هنا 

تابعنا على تليجرام : إنضم من هنا