مجموعة نصائح هامه جداً عند نزول الموقع ( طالب أو حديث تخرج )
# 1 - نصائح للمهندس محمد ريحان
نازل الموقع سواء كنت مهندس حديث التخرج أو طالب نازل تدريب .. دي مجموعة من نصايح الشغل والسوق والواقع ممكن تتفق معايا فيها أو تختلف فيها خد منها اللي يناسبك وسيب اللي ميناسبكش .. دي اَراء و وجهات نظر مش ثوابت )
اول حاجة وقبل كل شئ اتفرج علي السلسلة دي :: إضغط هنا
حيث تحتوى على ثلاث فيديوهات تشرح إعداد نفسك للموقع وكيفية التعامل فى الموقع وتجنب المشاكل التى قد تحدث فى الموقع .
وشوف بقي الكام حاجة دول 
1- متضغطش علي نفسك وأعصابك وتقول انك مش عارف حاجة وتروح الشغل متوتر وخايف .. محدش أتولد مهندس خبير وكل المهندسين كانوا زيك في البداية .. التارجت بتاعك انك تتعلم وتستوعب وتطور من نفسك في أسرع وقت وهو ده اللي أنت شغال عشان تحققه .
2- متخافش أنك تستلم وتواجه وتكون في المسئولية لأن هو ده اللي هيطورك .. لكن حضر نفسك كويس وخليك دايمآ مرتب وفاهم انت رايح تعمل ايه بالظبط .. يعني مثلا لو طالع تستلم حدادة الأعمدة .. اعمل سيرش واسأل وخد معلوماتك وجهز لوحاتك عشان تكون محدد انت طالع تعمل ايه بالظبط .
3- أسمع أكتر ما تتكلم ومتجادلش لمجرد الجدل .. اسمع واستفيد من كل حد .. اسمع من مديرك ومن زميلك ومن العامل ومن الخفير ومن سواق اللودر .. اسمع واسمع واسمع لأن الخبرة هتتنقلك بالسمع مش بالكلام.
4- خلي فيه حدود بينك وبين العمال ميتجاوزهاش لكن متتعاملش أبداً مع العامل علي أنه شخص درجة تانية .. هتقابل عمال شغالين في المجال من قد عمرك تقريباً لازم تستفيد منهم ومن خبرتهم .. العامل زي أي شخص في أي مجال فيه المحترم وفيه السئ حاول تفهمهم عشان هما دول رجالتك ولازم تفهمهم كويس عشان تديرهم وتشغلهم كويس .. فيه مهندس بيطلع 50% من طاقة العامل وفي واحد تاني بيطلع 90 % من طاقته كل ده متوقف علي أنك تعرف أزاي تديرهم .
5- الفلوس مهمة طبعاً لكن متخليهاش معيارك الأول في الاختيار في بداية حياتك .. أختار المكان اللي هتتعلم وهتتطور فيه.
6- خلي تعليقاتك وطلباتك كلها من المقاول مش من عماله .. لو عندك ملاحظة علي البياض كلم فيها مقاول البياض لأن العمال دول شغالين باليومية عند المقاول فهو مش هيسمع كلامك وهيسمع كلام اللي بيقبضه .. أنت راجل مهندس تعاملك دايماً مع المقاول .
7- متتكسفش أبداً أنك تسأل .. أنت بتسأل عشان تتعلم وده هدفك الرئيسي .. لو مسألتش يبقي مش هتتعلم يبقي أنت كده مش ماشي في الطريق الصح .
8- لازم تحترف الأوتوكاد والأكسيل ولا بديل عن أحترافهم لأن دول دراعك اليمين في الشغال وخلي عندك فكرة عامة عن التصميم .. أيوه أنت مهندس تنفيذ لكن فهمك للتصميم مهم جدا وبيساعدك كتير في شغلك.
9- الموقع والتنفيذ 30% منه علم و 70% أدارة .. لازم تكون سياسي وعارف أمتي تشد وأمتي تعدي .. أدارة الموقع فن ومهارات شخصية هتكتسبها مع الوقت .
10- روح شغلك بدري .. وجودك في الموقع بدري بيدي أنطباع لكل الموجودين أن الراجل ده بتاع شغل .. المهندس اللي بيروح شغله بدري بيكون متفوق نفسياً كتير عن المهندس اللي بيروح متأخر .
11- حاول دايماً توثق كل شئ في الموقع كتابياً وتحتفظ بالأوراق دي .. ممكن تكون شايف أن ده مش مهم وانك بتتعامل مع الناس بالكلمة لكن هتقع في مشاكل هتعرف بعدها أهمية أن كل شئ يكون موثق . الأستشاري طلب منك تخلط الخرسانة بدل المياه عصير فراولة معنديش أي مانع بس يكتبلي ورقة بكده .. التوثيق ثم التوثيق ثم التوثيق.
12- خلي دايما معاك نوتة في ايدك.. اكتب فيها ملاحظاتك وحط فيها اي معلومة تقابلك أو شئ اطلب منك تعمله.. متعتمدش علي الذاكرة فقط.
13- الاتفاق.. كل ما كان اتفاقك مع المقاول بيغطي نقط كتير كل ما كانت مشاكلك بعد كده أقل.. اتفق علي السعر والميعاد وطريقة الاستلام والتشوين.. كل ما يخطر علي بالك اتفق عليه في البداية عشان تستريح بعدين.
# 2 - نصائح للمهندسة ياسمين عبدالقوى
نصائح عمل أهديها لكل مهندس حديث التخرج فيها الخلاصة وأسرار اسردها لكم حصريا لأول مرة على صفحتى فى عشر نقاط :
١_ اشتغل كثيرا و تكلم قليلا ولا تسأل كثيرا إلا فى أضيق الحدود ..... وتذكر أن: الكلمة الطيبة صدقة ، ولسانك حصانك ، وكلما زاد كلامك زادت زلاتك !!!
٢_ ابتسم لكل الناس لكن لا تختلف مع أحد ولا تنقد و لا تغتاب ولا تحرج ، فالإختلاف والنقد والغيبة والنميمة آفات هادمة للعلاقات.
٣_ اجعل من كل عدو لك صديق وليس من مصلحتك تكوين اى عداوات بالعمل ، و لا تظهر لمن تكرهه انك تكرهه لكن ابتعد عنه افضل واظهر للجميع حسن نواياك .
٤_ حافظ على صلاتك أثناء العمل وكن متخلقا بخلق حسن فالدين المعاملة .
٥_ اذا وجدت مديرك او صاحب العمل يتجنى عليك كثيرا ويهينك الأفضل الإسراع فى البحث عن عمل جديد فصحتك النفسية اهم من مال الدنيا .
٦_ عملك هو من يحميك ويتحدث عنك وليس النفاق أو التودد للآخرين كما يعتقد الكثير فلكل مجتهد نصيب وليس للنفاق مكانا فى أجندة الناجحين .
٧_ تخير عملك ووظيفتك جيدا بنفسك وهذا لا يأتى إلا إذا طورت نفسك مهنيا جيدا فكلما كنت كفئا ومتميزا كلما تعددت الاختيارات والفرص لك لإختيار أفضل الأعمال التى تناسبك بنفسك .
وتذكر دائما ان فرصة السفر خارج بلدتك ليست فرصة ذهبية فى كل الحالات لغلو ثمن المعيشة أحيانا فى بعض البلدان فاحسبها جيدا ، وليكن سفرك بعد ٣ سنوات خبرة على الأقل فى بلدتك .
٨_ أفضل الوظائف والفرص هى : القريبة من منزلك ، مرتب مناسب مع ظروفك وحياتك ، ٦_٧ ساعات عمل فقط ، مواعيد عمل من ٩ ص حتى ٤ م ، يومين إجازة اسبوعيا وهذا يكون فى مراكز الإدارات غالبا ، تعمل فى مجال تحبه ، تعمل فى مكان عمل يحترم قوانين ولوائح العمل الموحد ولذلك يجب أن تتعرف على تلك القوانين جيدا فى بلدتك للحفاظ على حقوقك .
لكن تذكر دائما رغم كل ذلك لن تجد عملا خاليا تماما من المشاكل او من الشخصيات المؤذية لكن من الكياسة التعامل معها بحكمة لو كانت بصورة تحتمل والا فتغيير مكان العمل يصبح ضرورة .
٩_ مهم جدا ان كنت تعمل بنظام القطاع الخاص أن تغير عملك كل ٥ سنوات لزيادة خبراتك و دخلك وللعمل بشركات اكبر وأكثر نظاما و رقيا وتحضرا فأرتق بنفسك وعزز نفسك وابحث عن الأفضل دائما !!
١٠_ بعد ١٥ سنة خبرة يفضل أن تتجه للعمل الخاص الحر لأنك تحتاج إلى استثمار كل خبراتك ومهاراتك لتحقيق مصالحك واهدافك ليس لمصالح وأهداف أصحاب الشركات والمكاتب والمراكز فأجعل هذا هو غايتك منذ البداية فهذا هو الطموح والنجاح الحقيقى بالعمل ،،،
 # 1 - نصائح للمهندس محمد ريحان نازل الموقع سواء كنت مهندس حديث التخرج أو ط…){kind=link}
تعليقات
إرسال تعليق